5.ಕರ್ಪೂರಾರತಿ ಬೆಳಗಿರೆ

ಕರ್ಪೂರಾರತಿ ಬೆಳಗಿರೆ ಕರುಣಾದಿ ಮೌನ ದೇವಗೆ ।

ತನ್ನ ಅಂಗವ ಕಡೆಸಿದ ಉಲ್ಲಾಸ ಮಹಾತ್ಮವ ತೋರಿದ  ।। ೧ ।।

ನನ್ನೇ ಜೀತ ಪೀರ ನೆಂದು ನೆನೆಸಿ ಪಾಶವ ಕರಗಿದ ।

ಕಲ್ಲು ದೇವರಿಗುಣಸಿ ಉಣಿಸಿದ ಎಲ್ಲ ದೇವರ ಗುರು ಮೌನ ।। ೨ ।।

ಸಲ್ಲ ಕರೆದನು ವೆಂಕಟೇಶ ಕಲ್ಲು ದೇವರು ತಿರುಗಿದ ।

ಧರಿಯೊಳಾಧಿಕ ತಳದ ಕಲ್ಯಾಣ ಪುರದ ವಿಶ್ವಭ್ರಹ್ಮಗೆ ।। ೩ ।।

ಮನದಿ ಬೆರೆದು ಮಹಿಮೆ ತೋರಿದ ವಿಶ್ವಭ್ರಹ್ಮ ವೀತನೆ ಶ್ರೀ ವಿಶ್ವಭ್ರಹ್ಮ ವೀತನೆ ।

ಧರಿಯೊಳಾಧಿಕ ತಳದ ತಿಂಥಿಣಿ ಪುರದ ವಿಶ್ವಭ್ರಹ್ಮಗೆ ।। ೪ ।।

ಕರ್ಪೂರಾರತಿ ಬೆಳಗಿರೆ ಕರುಣಾದಿ ಮೌನ ದೇವಗೆ ।

4.ಕರುಣಾದಿ ಕಾಯಮ್ಮ

ಕರುಣಾದಿ ಕಾಯಮ್ಮ ಕಾಳಮ್ಮ ತಾಯೆ ಕಾಳಮ್ಮ ತಾಯೆ ।

ಆದಿಶಕ್ತಿ ಜಗ ದಂಬ ಮನವಾಯೆ ಕರುಣಾದೆ ದೇವಿ ಕರುಣಾದೆ ।। ೧ ।।

ಶುಂಭ ನಿಶುಂಭರ ಜಯ ಚರಣ ವರೆಸಿ ಜಯ ಚರಣ ವರೆಸಿ ।

ಸೋಳ ಸಜ್ಜನರಿಗೆ ಶಿಕ್ಷವ ಕೊಡಸಿ ಕರುಣಾದೆ ದೇವಿ ಕರುಣಾದೆ ।। ೨ ।।

ತ್ರಿಶೂಲ ತ್ರಿನೇತ್ರ ಕರಗ ತಂದೀರ ಕರಗ ತಂದೀರ ।

ಏಕಾಂತ ಬೆಳಗುವೆ ಕಾಯಿ ಕರ್ಪೂರ ಕರುಣಾದೆ ದೇವಿ ಕರುಣಾದೆ ।। ೩ ।।

ಎರಡು ಹಸ್ತದಲ್ಲಿ ಬಾಪೂಜಿಕಾರ ಬಾಪೂಜಿಕಾರ ।

ಕಡೆದು ಬಡೆದಾಡಿರೆ ಧೈತ್ಯರ ಸಂಹಾರ ಕರುಣಾದೆ ದೇವಿ ಕರುಣಾದೆ ।। ೪ ।।

ವರುಷಕ್ಕೆ ಬರುವುದು ನೇಮದು ಗಾದೆ ನೇಮದು ಗಾದೆ ।

ಭಕ್ತರು ತರುತಾರೆ ಉಡಿಯಕ್ಕಿ ಗೋದಿ ಕರುಣಾದೆ ದೇವಿ ಕರುಣಾದೆ ।। ೫ ।।

ದೇವಿ ಇರುವ ಸ್ಥಳ ಶಿರಸಂಗಿ ಗ್ರಾಮ ಶಿರಸಂಗಿ ಗ್ರಾಮ ।

ನಂಬಿದ ಭಕ್ತರಿಗೆ ಪಾದ ತೋರಮ್ಮ ಕರುಣಾದೆ ದೇವಿ ಕರುಣಾದೆ ।। ೬ ।।

3.ಜಯದೇವಿ ಜಯದೇವಿ ಜಯ ಮಹಾಂಕಾಳಿ

ಜಯದೇವಿ ಜಯದೇವಿ ಜಯ ಮಹಾಂಕಾಳಿ

ಜಯದೇವಿ ಜಯದೇವಿ ಜಯ ಮಹಾಂಕಾಳಿ ।

ದಯಮಾಡೆ ಮಾದೇವಿ ಧೈತ್ಯರ ಸಂಹಾರಿ ।। ಜಯದೇವಿ ೧ ।।

ಕರಿವೈ ರೆವನೇರಿ ವರದಿಂದೆ ಬಂದು ।

ದುರುಳ ಮಹಿಷಾಸುರನ ಬುದ್ದಿ ನೀ ಕಂಡೆ ।। ಜಯದೇವಿ ೨ ।।

ಹರಿ ಹರ ಬ್ರಹ್ಮನ ಕರುಣೇಲಿ ಕರೆದೆ ।

ವರ ಪಟ್ಟವ ಕಟ್ಟಿ ಶಿರವಾಗಿರಲಿ ।। ಜಯದೇವಿ ೩ ।।

ಶಂಕರಿ ರೂಪವು ವರದಿಂದೆ ತಾಳಿ ।

ಶಂಕರಿ ಗಿಟ್ಟಂತ ಹೋಮದ ಗಾಳಿ ।। ಜಯದೇವಿ ೪ ।।

ಬಿಂಕಾದಿ ರಕ್ಷಣವ ಮಾರ್ಬಲವ ಸೀಳಿ ।

ಪಂಪು ಮಾಡಿಬಿಟ್ಟಿ ರಕ್ತ ಚೆಲ್ಲಾಡಿ ।। ಜಯದೇವಿ ೫ ।।

ಧರಿಯೊಳು ಧಿಕವಾದ ಶಿರಸಂಗಿ ಗ್ರಾಮ ।

ಪರಮಾದ ಭಕ್ತರಿಗೆ ವರವ ಕೊಡುವೆ ।। ಜಯದೇವಿ ೬ ।।

ಹರುಷದಿ ಮೌನನ ಕರುಣೇಲಿ ಕರೆದೆ ।

ವರಪೂಜವ ಕಟ್ಟಿ ಶಿರವಾಗಿರಲಿ ।। ಜಯದೇವಿ ೭ ।।

2.ಆರುತಿ ಬೆಳಗುವೆನೋ ಮೌನಯ್ಯಗೊಂದು

ಆರುತಿ ಬೆಳಗುವೆನೋ ಮೌನಯ್ಯಗೊಂದು ಆರುತಿ ಬೆಳಗುವೆನೋ ।।

ಆರುತಿ ಬೆಳಗುವೆ ಸೂರ್ಯ ಪ್ರಕಾಶಗೆ ।

ವಾರಿಜ ಲೋಚನ ಧೀರ ಗಂಭೀರಗೊಂದು ।। ಆರುತಿ ೧ ।।

ತನುವಿನ ತವಕವು, ಮನವಿನ ಭಕ್ತಿಯು ।

ಜ್ಞಾನದ ಕರ್ಪೂರ ಹಚ್ಚಿ ಗಂಭೀರಗೊಂದು ।। ಆರುತಿ ೨ ।।

ಶಿಕ್ಷದ ನಡೆಯಿದು, ಮೋಕ್ಷದ ಗಾಯವು ।

ಸಾಕ್ಷತ ಸಂಪನ ಪಾದ ಕಮಲಗೊಂದು ।। ಆರುತಿ ೩ ।।

ತಿಂಥಿಣಿ ವಾಸಗೆ, ಸಂತ ಶಿವ ಕಾಶಿಗೆ ।

ಸಂತತಿ ಸಂಪತಿ ಸಲವ ಮೌನಯ್ಯಗೊಂದು ।। ಆರುತಿ ೪ ।।

1.ಆರುತಿ ಬೆಳಗುವೆ ಮೌನೇಶ

ಆರುತಿ ಬೆಳಗುವೆ ಮೌನೇಶ 

ಜಯ ಜಯ ಮಂಗಳಾದಿ ಪುರುಷ ।। 

ನೀನೆ ವೇಷ, ನೀನೆ ಜಗದೀಶ, ನೀನೆ ಅಭಿಲಾಷ । 

ಜಯ ಜಯ ಮಂಗಳಾದಿ ಪುರುಷ ।। ೧ ।। 

ನೀನೆ ಕಾಂತ, ನೀನೆ ಅನಂತ, ನೀನೆ ಗುರುನಾಥ । 

ಜಯ ಜಯ ಮಂಗಳಾದಿ ಪುರುಷ ।। ೨ ।। 

ಪಂಚಾನೈನ, ನೀನೆ ತ್ರಿನಯನ, ನೀನೆ ತಿಂಥಿಣಿ ಮೌನ । 

ಜಯ ಜಯ ಮಂಗಳಾದಿ ಪುರುಷ ।। ೩ ।।